Tag 1 in Sydney (Knapp 5 Mio Einwohner @ 2800 Persone/km2)
So früsch wie mr gsi sind, simmer nume churz is Hotel und den ab in dStadt (sZimmer isch noni parat gsi…) Mit dr Metro simmer richtig Hafe gfahre und das Bild vo dere Stadt het uns umkaue…
Gseht me sOpera House mol live isch das scho sehr speziell. Zu unserer Überraschig stoht den au no dQueen Marry 2 im Hafe. Das isch e wahnsinnigs Schiff (345 Meter lang, 76’000′ Tonne schwer, 20 Tonne Tribstoffverbruch pro Stund und Platz für 3000 Lüt, das gits für rund 1 Mia)
Unsere Plan isch gsi mol chli umeluege, händ uns den aber doch dBei in Buch gloffe. Als ersts händ mr dHarbour Bridge überquert, sind sOpera House go aluege und si den no mit dr Ferry uf Parramatta gfahre. Die Fahrt isch drei Stund gange und dert händ mr den au gmerkt wie miet mir würklich sind. Uns händ alli immer gseit dLüt si fründlich und sehr hilfsbereit, dass es aber soooo grossartig isch hätte mr beidi nit dänkt. 2 , 3 mol händ mr chli nach em Wäg gfrogt, und scho isch mr immene interresante Gspröch mit sim Gegeüber:) Sehr härzlich!
Sydney isch würklich wahnsinnig schön. D’Architektur isch beidruckend und die ganzi Stadt isch sehr suber.
Jetzt simmer in unserem sehr schöne Appartement im Meriton Hotel und das Bett sich soooo bequem:) . Es isch e idrückliche tolle erste Tag in Sydney gsi:)
Bye
Dani & Karin
So schöni Bilder und interessant euri Idrück z’läse, gniessets, feschti Umarmig
Bellissime foto. Fate buone vacanze e portate i nostri saluti alla zia Giovanna da tutto noi !!!!!
So schön zläse, dass dirs so guet händ! Sydney isch genial. Irgenwie sehr luschtig euch jetzt dört zgseh…. bi doch au erscht grad gsi hihi. gniessests fescht! miss you!
Hello ihr zwei lieben, haben gesehen ,ihr geniesst es in Sydney! Wier freuen uns schon sehr,auf den sonntag,das wetter soll schoen sein! Bis bald! big Hug from the Schneiders!
die fotos sind sehr schoen!
Australia Family Holidays, Best Family Accommodation in Sydney, Weekend Getaways From Sydney December 2, 2019