Samstag 04.04.2015

Nach dr grosse Wanderig am Fritig, haend mr am Samstig doch mol chli laenger pfust. Ca am 10.00 simmer ufgstande und haend das schoene Waetter dusse wohrgno:) Dr Dani (!) und ich haend grad mega bock ka zum chli go spoertle… hinterem Huus hets grad sone Art Sport, – Spielplatz wommer den chli  sind go rundene Jogge, paar Uebige gmacht haend und d`Sunne gnosse haend.  Sisch dr ersti Tag gsi ohni daem chalte, arktische Wind gsi.

Am Nomitag simmer no eimol chli in d`Stadt mir sind es paar Saecheli go chaufe, sind hi und her gloffe und haend de viele guete !!! Musiker uf dr Stross chli zueglost. Ich cha nit sage warum aber Sydney het mr eifach viel besser gfalle!

Wider zrugg dihei hets gschwind epis z`Picke ge und am 18.00 wider ab in dStadt. Dr Robert isch uns fuer e Australian Footballmatch go abhole. Dr Match isch im Etihad Stadion gsi. I daem Stadion haend 53000 Luet platz. Ganz so viel sis den nit gsi, trotzdaem isch d`Stimmig mit 22000 Zueschauer sehr idruecklich gsi. Mir haend dr ersti Match vo dr neue Saison gse uns zwar Perth vs. Melbourne Western Bulldogs:)

Dr Sport find ich super. Das isch nit wie dae Ladyfuessball wo mir I dr Schwyz haend das sind no richtigi Maenner do!! Die goent voll ufenander los, risse enander an Bode fast wie im Rugby numme alles ohni Schutz!! Erlaubt isch alles, Charte gits keini und so isch es voller Action und das hanni super gfunde!  Nach 4x 25 Minute Netto haend am Schluss  D`Western Bulldogs gwunne und s`ganze Stadion het s`Teamlied gsunge……Gaensehaut:)

Am 00.00 simmer den au wider dihei gsi und huet isch scho dr letzti Tag do. Mir fiiere mit dr ganze Familie Ostere d.h. Eier verstecke und sueche und den gits Kaffi und Chueche wie bi uns:)

Morn am Morge gots den los uf d`Great Ocean Road!

I freu mi risig:) Bis bald

Karin & Dani